O Centro de Información á Muller do Concello de Outes impulsa este outono un obradoiro sobre maternidade e coidados a partir de dinámicas artísticas e teatrais. O obradoiro Espellos Íntimos celebrarase os días 28 e 29 de outubro ás 13.00 horas e o 30 de novembro en horario de mañá, de 10.00 a 12.00 horas, na Casa da Cultura de Outes. Será impartido por Helena Varela e Noemí Rodríguez e vai destinado ás veciñas do concello con independencia da súa idade. Organiza o CIM coa colaboración da Deputación. Quen precise máis información ou formalizar a inscrición no CIM de Outes, teléfono 981 850 949.
