Un ano despois de finalizarse as obras das beirarrúas da rúa Castelao en Aguiño, o valado do parque infantil coñecido como Parque do Quixote segue sen ser reposto, deixando aos usuarios, especialmente aos máis pequenos, expostos ao tráfico da estrada próxima. A situación preocupa ás familias que frecuentan o parque, quen destacan o risco que supón a falta de peche no espazo, situado xunto a unha vía con tráfico constante.
Os veciños critican a falta de seguimento por parte do goberno local, sinalando que non se cumpriron os compromisos do proxecto inicial, que incluían a reposición do valado retirado para acometer as obras. As familias que visitan o parque comentan que están en constante alerta para evitar que algún menor saia cara á estrada, unha situación que, sinalan, é insostible.
Desde o PP de Ribeiraa como medida de seguridade, solicitan que a reposición do valado no Parque do Quixote sexa atendida coa máxima brevidade para protexer aos nenos e devolver a tranquilidade aos usuarios do parque.
