O Concello de Boiro organiza un roteiro educativo de convivencia en familia o vindeiro 19 de outubro. A actividade vai consistir nunha visita á cidade de Pontevedra para familias.
O programa da visita vai consistir nunha visita guiada pola Pontevedra monumental e ao Museo de Pontevedra; o xantar será por conta propia na área recreativa de Campo Lameiro e, pola tarde, continuará o programa cunha visita guiada á área arqueolóxica e exposición do Parque Arqueolóxico de Campo Lameiro e unha exhibición de lume.
A saída do autobús será ás 9.30h da Cachada, na avenida da Constitución diante da Casa da Cultura, e o prezo da actividade será de 10 euros.
Inscricións e máis información da actividade do Departamento de Educación, de xeito presencial na Casa da Cultura de Boiro de 9.00 a 14.00 horas ou no teléfono 981 84 84 25.
