O Concello de Boiro, a través do Centro de Información á Muller (CIM), ofrece unha xornada de formación para asentar coñecementos básicos en torno á prevención e intervención en condutas suicidas. O curso terá lugar o venres 25 de outubro no Centro Social de Boiro.
O obxectivo desta xornada é ofrecer “unha formación para dar a coñecer os datos estatísticos, factores de risco, desencadeantes e de protección, grupos vulnerábeis, sinais de alarma, valoración de risco e intervención ante a conduta suicida”.
O Concello de Boiro leva a cabo esta actividade en colaboración coa entidade Andaina Pro Saúde Mental para dar unhas pautas sobre como tratar as especificacións da intervención con poboación infanto-xuvenil.
A formación será o mércores 25 de outubro no Centro Social de Boiro en horario de 10.00 a 14.00 horas. Inscrición previa no teléfono 981 84 48 00 ext. 1285 ou mediante o enderezo electrónico cim@boiro.org indicando os datos persoais.
