O Concello de Rianxo compartiu a axenda de actividades da Área de Cultura para esta primeira fin de semana de novembro, marcada pola celebración do Samaín, listaxe á que se engaden as propostas das asociacións con sede no termo municipal.
XOVES 31
A partir das 21:00 h – Centro Cultural Vicente Vidal de Leiro
Celebración do SAMAÍN Con concurso de cabazas, baile, xogos, bingo …. e outras sorpresas terrorífícas.
VENRES 01 e SÁBADO 2
SAMAÍN 2024 organizado conxuntamente coas entidades ASOC. A MORENIÑA, FESTIVAL ANTROSPINOS e a colaboración da ARE
–Venres día 1 – a partir das 17:00 h. – Campo de Arriba de Rianxo
Nesta primeira xornada, poderemos participar nuns obradoiros de cabazas e lanternas, xogos populares e inchábeis, ademais de degustación de castañas e chocolate con churros. Das 19 ás 21 horas poderase visitar o Museo do Mal (o Museo do Mar acondicionado para a ocasión) e posteriormente gozar do espectáculo de rúa subUmbra de Troula Animación e unha Festa de disfraces amenizada por Yaya DJ, Marcos Magán e Eme Music.
–Sábado día 2 – a partir das 14:00 h. – Campo de Arriba de Rianxo
Sesión vermú con Saraghallada. Arredor das 17:00 h espectáculo infantil Plásticos fóra con Antón Ké. Das 19 ás 21 horas poderase visitar o Museo do Mal ao par que se poderá gozar dun Serán coas agrupacións Fogo Fatuo, Vai de Roda, Arrancadeira, Estroupele, Lusco e Fusco e Nunca é Tarde. A ambientación musical a partir das 21:00 horas virá da man das sesións de DJ de Maruxa e Coralia e Mishto e Gasholino, para rematar a noite cun baile de disfraces e a música de Rockolas DJ Quimba.
SÁBADO 2
A partir das 16:00 horas – Centro Social da Capela – O Araño
MAGOSTO NO ARAÑO
A celebración deste magosto organizado pola Asociación de Veciños do Araño, ademais da degustación de castañas, inclúe o tradicional Concurso de Cabazas do Samaín, xogos populares e a representación teatral da obra Ultrasónica, dirixida a público familiar a cargo da Agrup. Teatral Paso de Valverde, ao abeiro da Rede Cultural da Deputación da Coruña.
SÁBADO 2
19:00 Centro Sociocultural-Auditorio – Sala Arcos Moldes
Circo-teatro: SÓ de Xampatito Pato
Un ser único na súa especie rodeado dun sen fin de caixas que escapan ó seu control e coas que xoga para dar forma ó seu mundo. Do caos xurde un universo delirante onde inventa a risa, creando unha tolemia cómica e transformándose nun novo ser cunha nova figura. Entrada de balde ata completar capacidade. Retirada de convites na billeteira do Auditorio dende unha hora antes do comezo da función. Duración: 50 min. Público familiar. Proposta ao abeiro do programa Rede Cultural 2024 da Deputación da Coruña.
SÁBADO 2
A partires das 09:30 h na contorna do C.C. Vicente Vidal de Leiro
XORNADAS POR UN MONTE VIVO
O Laboratorio Ecosocial do Barbanza, do que forman parte a Fundación RIA así como oito CMVMC de Rianxo a través da Plataforma pola Defensa do Monte, dúas Universidades, a Fundación Montescola e o propio Concello de Rianxo, impulsa esta unha xornada repleta de actividades abertas á participación para traballar cara a unha sustentabilidade do territorio.
