O alcalde de Rianxo, Julián Bustelo, recibiu os días pasados a Rafael Romero del Rey, quen vai exercer transitoriamente a Xefatura da Policía Local de Rianxo trala vacante xerada pola saída do axente que viña asumindo esas funcións.
As principais liñas de traballo desta nova etapa serán reforzar a seguridade cidadá e a seguridade viaria en todo o termo municipal, así como tamén a impulsar a transformación tecnolóxica da actividade dos axentes e a continua aplicación da Intelixencia Artificial á actividade diaria dos axentes.
