Este domingo 6 de outubro celebrarase finalmente a XXIII edición da Subida ao Castro Barbudo (BTT) e a V Andaina da subida. Trátase dunha importante proba (paisaxística e deportivamente) organizada pola Peña Cicloturista Castro Barbudo coa colaboración do Concello de Rianxo a través da que as persoas participantes poderán descubrir algunha das paraxes máis senlleiras do municipio rianxeiro e da súa contorna.
A XXIII Ruta BTT Castro Barbudo en bicicleta de montaña e a V Andaina ao Castro Barbudo celebraranse de xeito simultáneo este domingo con saída de Campo de Pasos–Taragoña e chegada o Campo Maneiro. A saída darase as 09:00 horas.
A ruta encádrase como proba de Cicloturismo-BTT/Andaina, e é un exercicio físico con fin lúdico, turístico e cultural, o que exclúe expresamente a competición.
A idade mínima para poder participar na marcha será de 18 anos e a idade máxima de 75 anos.
