Este venres 25 de outubro celébrase en Boiro unha actividade formativa que pon o foco en fomentar a saúde mental dende idades temperás: o Curso de prevención e intervención da conduta suicida que organiza o Centro de Información á Muller (CIM) do Concello. Será no Centro Social de Boiro a partir das 10.00 horas. As persoas interesadas en acudir deberán chamar ao 981 84 48 00 ext. 1285 ou enviar un correo electrónico á conta cim@boiro.org.
O obxectivo desta xornada é ofrecer “unha formación para dar a coñecer os datos estatísticos, factores de risco, desencadeantes e de protección, grupos vulnerábeis, sinais de alarma, valoración de risco e intervención ante a conduta suicida”.
O Concello de Boiro leva a cabo esta actividade en colaboración coa entidade Andaina Pro Saúde Mental para dar unhas pautas sobre como tratar as especificacións da intervención con poboación infanto-xuvenil.
