A Dirección Xeral de Emerxencias e Interior vén de activar o Plan Especial de Protección Civil ante o risco de inundacións en Galicia (Inungal), en fase de preemerxencia, ante o posible desbordamento do río Verdugo ao seu paso por Pontecaldelas.
A información recibida a través dos sistemas de seguimento sinala un crecemento significativo do caudal, o que pode dar lugar a enchentes puntuais no seu curso.
Aínda que as chuvias seguen afectando con intensidade á comunidade galega, ata o momento non se rexistraron incidencias de consideración no 112 Galicia.
