O músico galego Xoán Curiel levará este sábado a Boiro o seu repertorio de cantigas medievais galego-portuguesas actualizadas e revisitadas a través da xira-espectáculo Treides Comigo! Será este 19 de outubro ás 20.00 horas no Pazo de Goiáns.
Treides Comigo! é unha proposta creada a partir de cantigas medievais compostas por trobadores galegos vencellados dalgún xeito a autores dos lugares polos que transcorre o Camiño de Santiago. Xunto coa cantante e filóloga Iris Gey, realizou unha revisión e unha abordaxe contemporánea das cantigas medievais galegas para crear este novo traballo discográfico.
