Co inicio do curso escolar volven a Porto do Son os Talleres de Memoria para Persoas Maiores (a partir de 55 anos), un conxunto de actividades gratuítas, participativas e creativas que teñen o obxectivo de mellorar a calidade de vida das veciñas e veciños das parroquias e para mitigar e combater o deterioro cognitivo asociado á idade.
Os novos obradoiros celebraranse en catro parroquias: Porto do Son, Caamaño, Xuño e San Pedro.
As inscricións para reservar praza (que son limitadas) deberán facerse na Área de Benestar Social ou no 981 86 74 14.
As actividades celébranse os luns e mércores en dúas quendas pola mañá (de 10.00 a 11.00 e de 11.00 a 12.00 horas) no Club de Xubilados de Porto do Son e os martes e venres na Casa da Cultura de San Pedro (ás 9.30 horas), de Xuño (ás 10.30 horas) e de Caamaño (ás 11.30 horas).
Quen precise máis información sobre estes obradoiros cen por cen gratuítos pode solicitala no teléfono 981 86 74 14.
