Os bombeiros do parque Comarcal Provincial de Boiro foron requiridos ás 21:21 horas do día 31 de agosto por un accidente cun ferido por mor dunha caída nun ciclomotor na estrada AC-305 á altura do punto quilométrico 3 situado en Tallós, concello de Dodro, fronte a FESBA
Ao chegar ao lugar os bombeiros do parque Comarcal Provincial de Boiro observan que no lugar están a ambulancia do 061 e o GES de Padrón.
No accidente hai un ferido por caída de ciclomotor con traumatismos no costado dereito e dores en ombro e perna. Logo de falar co persoal sanitario do 061 inmobilízase á persoa ferida para trasladalo en bloque a padiola da ambulancia. Fíxose cargo do ferido o persoal sanitario que o trasladou ao CHUS.
A saída dos bombeiros dáse por finalizada á chegada da patrulla da Garda Civil de Tráfico xa que non hai necesidade de limpeza, nin de evitar máis riscos.
