Proseguen esta semana as actividades incluídas na axenda do Mes da Danza de Boiro, impulsado dende a Área de Cultura do Concello.
Desta maneira, logo das citas dos pasados 6 de setembro (o serán música e baile tradicional galegos de Abeloura, nas Festas de San Roque da parroquia boirense de Cespón) e 8 de setembro (no Pazón de Goiáns, unha cita de danza contemporánea con Cenpliés e Intempestiva), a axenda continúa este 14 de setembro novamente coa agrupación local Xilbarbeira e con Minguantes, que achegarán unha dobre cita de baile tradicional galego e contemporáneo a partir das 19.00 horas no Pazo de Goiáns.
O vindeiro 21 de setembro será a quenda doutra entidade local centrada na cultura galega, Aroña, e de Marcia Vázquez, que achegarán unha nova cita coa danza no Pazo de Goiáns a partir das 19.00 horas.
A axenda rematará o 28 de setembro co Serán das Angustias.
Entrada: donativo de 3 euros en beneficio de AGADEA Alzhéimer.
