O Museo Valle-Inclán da Pobra incrementa os seus fondos e habilita unha nova sala de exposición

27 Setembro 2024

O Museo Valle-Inclán da Pobra do Caramiñal acrecentou os seus fondos especializados para exhibir a veciñanza e visitantes grazas á ultima cesión efectuada polo investigador e neto do escritor, Xaquín de Valle-Inclán Alsina. Como consecuencia, o Concello da Pobra do Caramiñal avaliou as distintas opcións de ampliación da institución museística e, finalmente, optou por converter a edificación contemporánea anexa á Torre de Bermúdez, coñecida ata o momento como o auditorio, en sala de exposición e centro de investigación. Alí exporanse obxectos que pertenceron a Ramón del Valle-Inclán, así como parte da súa biblioteca, dando así cumprimento ao compromiso adquirido no pleno da Corporación. Ademais, reformulouse a coñecida como sala de Iconografía Contemporánea. A estrea oficial de todo isto farase coincidir coas XXVI Xornadas de Homenaxe a Valle-Inclán.

Segundo deron a coñecer a concelleira da Cultura, Patricia Lojo, e o director do Museo Valle-Inclán, Antonio González, estas incorporacións e estas novidades motivaron unha serie de melloras: adquisición de mobiliario, restauración da madeira do chan do antigo auditorio e substitución da superficie da sala de Iconografía Contemporánea. Todo isto cun investimento que supera os 35.000 euros, con cargo ás arcas municipais. “Apostamos polo Museo, queremos que creza e que siga sendo de referencia en España”, en palabras da edil, polo que tamén se executarán outra serie de intervencións en futuras datas.

Polo que respecta ao auditorio, pasa a ocupar o andar superior da Biblioteca Municipal Victoriano García Martí, con arredor de 60 butacas, ao que se engade un segundo espazo que se está acabando de ultimar no local da confraría de pescadores, onde tamén se habilitará unha aula de estudo. Isto supón a “creación dun eixo cultural” debido á proximidade das referidas instalacións culturais, manifestou Lojo.

Pola súa parte, o director do Museo Valle-Inclán, Antonio González, explicou que na sala de Iconografía Contemporánea amosarase toda a obra de arte plástica doada por Siro López, Domingo Regueira, Héitor Picallo, Xoán Fernández ou Manuel Ayaso, entre outros. “Vai ser un punto de referencia pola iconografía contemporánea a nivel galego, como mínimo”, fixo fincapé González. E, no que respecta á creación do centro de estudos valleinclanianos, incidiu en que “o Museo vai converterse nun centro de referencia nacional e internacional para os investigadores”.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

O Culturgal Expandido recala esta semana en Muros

A edición 2026 do Culturgal Expandido chega esta fin de semana ao Mercado Municipal de Muros cunha programación gratuíta e para todas as idades. Na presentación do programa participaron Natividad Gonzalez, deputada de Cultura da Deputación da Coruña; María Lago,...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.