O Concello de Boiro celebra o vindeiro domingo 6 de outubro o Día da Bici 2024, co obxectivo de medio de transporte saudábel, limpo e tranquilo, e coa finalidade tamén de apostar pola mobilidade sustentábel e “pola convivencia e a diversión entre nenos e adultos”. As inscricións están xa abertas e poden facerse no departamento de Deportes de Boiro.
A actividade está promovida por La Voz de Galicia, conta co patrocinio de JEALSA e coa colaboración do Club Ciclista Barbanza, Daniel Ríos, Chicolino e Autos R. Outeiral.
O percorrido da proba é duns 14 quilómetros e terá saída ás 11.00 horas da praza de Galicia pola rúa Principal e avenida de Compostela ata a Agramuíña (Escarabote), onde se vai realizar o primeiro dos agrupamentos. Continuará por Barraña para tomar dirección Cabo de Cruz pola avenida de Barraña e o esteiro do río Coroño. En Cabo de Cruz farase un segundo reagrupamento e volverá a Boiro por Sestelo, o Seán, Exipto e a DP-1106 para chegar a Boiro e volver á praza de Galicia pola rúa peonil.
As inscricións están xa abertas e pode facerse ata o venres día 4 de outubro ás 12.00 horas no Departamento de Deportes do Concello de Boiro, situado na Casa da Cultura, ou no correo electrónico deportes@boiro.org.
