Martín Códax doa a Amicos o recadado no segundo concerto solidario da XI edición Os Xoves de Códax

18 Setembro 2024

Este mércores, 18 de setembro, a asociación inclusiva da nosa comarca Amicos visitou a sede das adegas Martín Códax, para acudir ao acto de entrega das doazóns da undécima edición de Os Xoves de Códax. Alí, a entidade do Barbanza recibiu un donativo por valor de 9.848,52 euros. O cheque recolle o recadado durante o segundo concerto deste ciclo de concertos solidarios que ten como obxectivo apoiar distintas causas sociais.

Por parte de Amicos, no acto de entrega estiveron presentes o amico Yassin El Aamry, usuario do Fogar Amicos, e Miguel Beiro, responsábel da área de Alianzas con Persoas e Empresas de Amicos, Ambos recibiron a doazón de mans do presidente da adega cambadesa, Xoán Allegue, que destacou a importancia de colaborar con entidades que traballan pola inclusión social e a mellora da calidade de vida das persoas.

Durante o acto, Allegue agradeceu a forte acollida que tivo a iniciativa entre a sociedade, e incidiu en que “a colaboración é e será fundamental no noso día a día. É a filosofía de Bodegas Martín Códax, formada por familias, e é a mesma particularidade que nos une ás asociacións aquí presentes que traballan na igualdade de oportunidades para todas as persoas, para que ninguén quede atrás. Xuntos, cooperando, medramos máis e mellor”.

Pola súa banda, o representante de Amicos destacou que “dende a nosa asociación queremos expresar o noso agradecemento a Bodegas Martín Códax pola súa xenerosa aportación, froito da XI edición do seu ciclo musical Os Xoves de Códax. Este apoio será fundamental para seguir mellorando os servizos de atención e apoio que ofrecemos ás máis de 150 persoas que acoden diariamente ós nosos centros”.

Asemade, Miguel Beiro destacou que na entidade boirense “grazas a esta contribución, poderemos reforzar áreas clave como a atención directa e a formación para persoas con discapacidade intelectual, o que nos permitirá seguir brindando un servizo de calidade e mellorar a inclusión social dos que máis o necesitan. Apreciamos enormemente este xesto solidario, que nos impulsa a continuar traballando por una sociedade más inclusiva e sostíbel”.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.