Os bombeiros do parque Provincial de Boiro acudiron o mediodía do 29 de setembro á extinción dun incendio nun quinto piso dun edificio de vivendas na Rúa Castelao da Serra de Outes. Os ocupantes tiveron que ser evacuados, e a violencia das chamas deixou moitos danos no edificio, incluídas varias vivendas inhabitables.
O lume comezou na campá extractora e propagouse moi rápido polo falso teito e o material illante.
Deste xeito, resultou afectada a teitume común do edificio, polo que debeuse informar a todos os propietarios do inmoble. Aínda con todo, ninguén necesitou asistencia médica.
Quen avisou ao 112 Galicia foron os mesmos ocupantes da vivenda, un ático situado na Rúa de Castelao, en Outes. Apenas uns minutos despois das dúas desta tarde, activáronse os recursos necesarios para facer fronte a este incendio, que avanzaba con moita velocidade polo falso teito e polo material illante da teitume común do edificio. Finalmente, arderon varias estancias do ático, como a cociña, o salón e a entrada. O fume tamén provocou danos en todo o espazo.
Ao lugar dos feitos acudiron os membros do GES de Noia, os Bombeiros de Boiro e os axentes da Policía Local de Outes e da Garda Civil.
