España conta xa coa primeira muller que preside o Consello Xeral do Poder Xudicial e o Tribunal Supremo do país. Trátase de Isabel Perelló Domenech, quen fai unha década xa criticaba como maxistrada o sexismo na cúpula xudicial.
Moi achegada á ministra de Defensa, Margarita Robles, a nova presidenta do CXPX asinara unha carta contra Carlos Lesmes, anterior presidente do mesmo Consello, a quen acusou de empregar linguaxe sexista para se dirixir aos seus compañeiros só polo xénero masculino.
Non era, certamente, o de Isabel Perelló un nome que se barallara nas quinielas para presidir o CXPX. Pero o conto trocou nas derradeiras horas do día de onte, luns, cando o pleno fracasou no seu cuarto intento de decidir un presidente. O perfil moderado de Isabel Perelló fixo que, ainda que proposta polo PSOE, os conservadores abrisen por fin a man e se puxera de vez remate á irregularidade dun poder xudicial actuando co incumprimento manifesto da Constitución española ao estar caducado o seu mandado após máis de cinco anos con este rematado.
Este martes, o Pleno do Consello Xeral do Poder Xudicial designou coma primeira presidenta do Tribunal Supremo e o órgano de goberno dos xuìces, á maxistrada proposta Isabel Perelló Domenech, coruñesa nacida de nacemento e que fixo os seus estudios universitariosna USC, foi amais xuiza no xulgado de Carballo. O resultado final da elección non deixa dúbidas.
16 votos a prol de Perelló, que competía para o cargo coa tamén progresista Ana Ferrer, maxistrada da Sala do Penal do Alto Tribunal.
Isabel Perelló é membro da Sala do Contencioso-Administrativo dese Alto Tribunal citado e da asociación progresista Xuízas e Xuíces para a Democracia, converténdose
na primeira muller que preside o Poder Xudicial en España. Perelló é Maxistrada do Supremo dende o ano 2009. Para que esta decisión acadara un remate semellante foron necesarias varias votacións fallidas e unha intensa negociación interna no seo do órgano de goberno dos xuíces. Isabel Perelló foi elixida como a candidata de consenso entre os sectores progresistas e conservadores do novo CXPX. Esta é a primeira vez que os vogais teñen liberdade para designar ao seu máximo representante fronte do poder político, o que lle outorga maior autoridade á maxistrada que deberá acadar os votos de tres cuartas partes do consello para levar a cabo preto dun cento de nomeamentos da cúpula xudicial.
Os vogais designados a proposta do PSOE foron marcando o camiño para que unha muller do espectro de esquerdas presidira o Consello, e por parte do PP, os conselleiros designados non se opuxeron a que unha muller dirixira o órgano sempre que representara a todos e tivera un perfil neutral.
Fontes xudiciais coidan que se trata dunha presidencia de consenso e que ambas as partes cederon á hora de desentullar unha situación que ía conducir ao abismo a este novo Consello.
Máis de cinco anos dempois de se producir, o órgano de goberno dos xuíces atopou unha saída válida. Non foi sen tempo.
