A compañía Caramuxo Teatro recala este venres 20 de setembro para ofrecer dúas funcións do espectáculo de danza infantil Catro: a primeira ás 18.00 horas e a segunda quenda ás 18.45 horas. A entrada será libre até completar o aforo (máximo 35 persoas). O público obxectivo será a cativa de entre seis meses e tres anos. Os obradoiros levaranse a cabo no andar baixo do Edificio do Casino (rúa de Galicia 8). Organizan o Concello e máis a Deputación da Coruña.
Ficha da función (Caramuxo)
Catro é a nova proposta de Caramuxo Teatro para a primeira nenez e para gozar en familia: unha peza visual que xoga coa vida, coas formas, os sons, as texturas e o movemento.
Caramuxo Teatro é unha compañía de teatro infantil e familiar nada na Coruña no ano 2003 dirixida por Juan Rodríguez e Laura Sarasola. Traballa ademais, nunha liña específica na creación de espectáculos para bebés.
Caramuxo crea espectáculos poéticos e visuais axeitados para gozar en familia, tendo unha especial responsabilidade có público mais novo.
Dende os inicios mestura diferentes técnicas, teatro de actor, monicreques, danza..
