O Centro Social de Cabo de Cruz vai dar acollida este venres 27 de setembro á estrea no Barbanza de Palabras, función para público infantil e familiar da compañía Baobab Teatro. A cita será ás 18.00 horas.
Palabras, segundo explican dende Baobab, nace da necesidade de dar continuidade aos proxectos de investigación sobre a nosa lingua galega, Puño Puñete e Ris Nivel. Trátase dun espectáculo que, como os anteriores, faranos viaxar a través da música, os xogos, os enredos e os contos tradicionais. O espectáculo está pensado para os máis pequenos, de 1 a 8 anos. A súa duración é de 45 minutos.
