O Boletín Oficial da Provincia publicou este 12 de setembro as axudas do Concello de Rianxo para a adquisición de material escolar, incluíndo nesta disposición dispositivos electrónicos e roupa deportiva, ademais de material escolar destinado ao alumnado de Educación Infantil e Ensino Obrigatorio do termo municipal.
A contía máxima das axudas será de 300€ para dispositivos electrónicos, 50€ para material escolar e 75€ para roupa deportiva. “As familias poderán investir as axudas na compra de material necesario para o desenvolvemento da actividade do alumnado, de tal forma que poderán cubrir uns gastos de cara o vindeiro curso aos que non se fai fronte mediante ningún outro organismo público”, explicou o alcalde, Julián Bustelo. O prazo de presentación de solicitudes é de quince días hábiles a partir da publicación da convocatoria (este xoves 12)
