Os servizos de emerxencia nada puideron facer pola súa vida.
O primeiro aviso chegou arredor das 13:30 horas, logo de que un particular chamase ao 112 Galicia solicitando asistencia sanitaria para unha persoa inconsciente na praia de Morosa, a carón da boca do río. O alertador indicou que atoparon á persoa flotando na auga e que o sacaran a terra.
Sen agardar, os xestores do 112 Galicia informaron do suceso ao Servizo de Urxencias Sanitarias de Galicia-061, a Salvamento Marítimo, ao Servizo de Gardacostas de Galicia, á Garda Civil da Coruña, á Policía Local e á Agrupación de Voluntarios de Protección Civil de Carnota.
O persoal sanitario desprazado ata o lugar, e que tivo que asistir a outra persoa na mesma praia, só puido confirmar o falecemento da persoa.
