É unha anduriña galega que voa alto e que, este domingo, pode -debe- proclamarse raíña de todas as anduriñas que no mundo hai.
Chamase Ana Peleteiro, e o venres, nos Xogos de París, trocou o seu voar tradicional por un brinco excepcional,ao primeiro intento, de nada menos que 14,36 metros. Esta marca váille permitir á ribeirense afrontar a proba sabatina coa seguridade que outorga saber que o venres saltou un centímetro máis do que estaba estipulado para as probas de triplo salto de hoxe no Stade de France.
Ana Peleteiro, m medallista de bronce en Tokio, vaui desta vez con reforzo: o que lle outorga ser nai.
O voo de 14,36 metros é unha inxección de adrenalina, un “chute” de reafirmamento na convición de que o saltado o venres pode ser superado o sábado. Toda Ribeira, España enteira, estará ao tanto do que aconteza ás 20,20 horas do sábado. Ela, Ana Peleteiro, quere un salto correcto, e os que a seguimos, desexamos que sexa, a máis, un salto gañador. Porque, dixo en Paría, acude aos xogos “para ser campioa olímpica”. Dúas cubanas, unha norte-americana, unha xamaicana e unha ucraína son as compañeiras a bater. Poderá facelo, seguro. Peleteiro voa. E navega nna súa realidade cotiá.
Imos, Ana. Voamos contigo dende o pico da Curota por unha presea feita para tí.
