Os feitos aconteceron dez minutos despois das 19 horas no lugar de Vilachán, en Augasantas, e o home foi evacuado en ambulancia ao centro hospitalario de referencia. Pola súa banda, os ocupantes do turismo saíron ilesos.
Foi un particular quen chamou ao 112 Galicia para indicar que o motorista permanecía tendido no chan logo do accidente.
Desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, do GES de Padrón e dos voluntarios de Protección Civil de Rois.
Aínda que os servizos sanitarios mobilizaron o seu persoal a bordo do helicóptero medicalizado con base en Santiago, que chegou a tomar terra no punto, ao final o ferido sería trasladado en ambulancia.
