O Concello de Rianxo anunciou un investimento de 8.000 euros para a adquisición do material requirido na posta en marcha dun servizo gratuíto de préstamo de axudas técnicas para persoas dependentes. Nestes primeiros meses do servizo, o catálogo de axudas técnicas estará composto por catro camas con carro elevador, tres guindastres eléctricos e 4 asentos xiratorios de baño.
O obxectivo é que as familias rianxeiras con persoas dependentes usuarias do SAF (Servizo de Axuda no Fogar) poidan acceder de forma gratuíta a este tipo de elementos que melloran o día a día das persoas doentes, así como o das persoas coidadoras, explicaron fontes do Concello de Rianxo.
