Os bombeiros do parque Comarcal Provincial de Ribeira recibiron unha chamada contra as 10:13 desta mañá por mor dun accidente de tráfico dun vehículo debido a unha saída de vía no que había unha persoa ferida que foi evacuada ao hospital do Barbanza.
O accidente localizouse na estrada AC-550 no punto quilométrico 88 en dirección a Noia á altura do Lugar do Fonforrón, na parroquia de Noal, no concello de Porto do Son.
Unha vez no lugar da incidencia os bombeiros do parque Comarcal Provincial de Ribeira aseguraron o vehículo desconectando a batería provisionalmente. Non foi preciso apuntalalo porque xa estaba estable sobre as catro rodas na cuneta. A extracción da vítima ata a padiola da ambulancia foi dirixida polo persoal sanitario. A doente foi evacuada ao hospital da Barbanza pola ambulancia de urxencias médicas.
Un guindastre fíxose cargo da retirada do vehículo accidentado, non sendo preciso realizar a limpeza da estrada.
Completaron o operativo o GES de Noia, a Garda Civil de Tráfico e a Policía Local.
