O Pavillón Municipal José Manuel Abuín “Chema” acolle este domingo 1 de setembro o XV Torneo Internacional de Xadrez Concello de Rianxo. A proba, que conta con máis de 2.500€ en premios, congrega anualmente a máis de 200 xogadores procedentes de diferentes partes do mundo, entre eles varios considerados “grandes mestres”, segundo informou a organización na presentación deste evento, onde engadiu que se trata dunha proba puntuábel para o XVII Circuíto Galego de Promoción da Federación Galega de Xadrez. As inscricións cómpre facelas a través da conta escolaxadrezrianxo@gmail.com ou no 680 193 289. Organiza o Club Xadrez Rianxo co patrocinio do Concello e a colaboración da Xunta, a Deputación da Coruña, Abanca, CONGALSA, Conservera de Rianxo e Hotel Scala. O director do torneo é Néstor Martínez Dourado e o árbitro principal Oscar Bruno de Prado Rodríguez. Inclúense as seguintes categorías: sub8, sub10, sub12 e sub14. O Concello de Rianxo publicou en formato PDF toda a información sobre a proba.
