O Concello de Boiro realiza actuacións de mellora na contorna e accesos da capela de San Ramón de Bealo. As actuacións consisten no arranxo e mellora das estradas que bordean o santuario.
Entre as actuacións realizadas está o adecentamento das pistas de terra que bordean o santuario e que, debido ás fortes choivas do inverno, estaban deterioradas e con covas. Ademais, actuouse nos camiños de
acceso á capela e estanse a levar a cabo outras tarefas de mantemento do espazo coa adecuación do mobiliario público.
Estes traballos forman parte do Plan de actuacións e mantemento que o concello, a través da Concellería de Medio Rural, realiza nas parroquias para a mellora de accesos e espazos públicos.
