A delegada da Xunta na Coruña, Belén do Campo, xunto a directora territorial da Consellería de Vivenda e Planificación de Infraestruturas, Mª Begoña Freire, e acompañada por membros do equipo de Goberno local, supervisou na mañá deste 6 de agosto as obras de mellora do firme na estrada AC-550, ao seu paso polo concello de Outes. O obxectivo destes traballos, segundo lembrou, é rehabilitar a capa de rodaxe desta estrada autonómica, no tramo comprendido entre os puntos quilométricos 60+200 e 68+000, no municipio de Outes. Indicou tamén que para desenvolver estas tarefas será necesario o corte de carril no punto no que se estea a intervir, dando tráfico alternativo polo outro carril.
As obras consistirán en realizar fresados localizados nos treitos de actuación e na reposición con mestura bituminosa en quente, segundo as necesidades concretas das vías obxecto destas intervencións. As actuacións completaranse co pintado da sinalización horizontal dos treitos de actuación de todas as estradas e a reposición dos treitos de barreira de seguridade que sexa preciso. As obras terán unha duración de sete días laborábeis.
Segundo explicou Belén do Campo, a intervención forma parte forma parte do contrato de acondicionamento do firme en 7 estradas de titularidade autonómicas ao seu paso por 10 concellos da provincia da Coruña, cun investimento de máis de 3,6 M€.
De xeito máis concreto, este contrato, que conta cun prazo de execución de 6 meses, inclúe a rehabilitación da capa de rodaxe das estradas AC-300, AC-303, AC-406, AC-432, AC-546, AC-550 e AC-552, que discorren polos concellos da Baña, Brión, Negreira, Vimianzo, Padrón, Ribeira, Rois, Santa Comba, Val do Dubra e Outes
Belén do Campo lemboru que esta semana tamén comezaron as obras de mellora do pavimento na estrada AC-303, no seu transcurso por Ribeira.
Plano de localizacións cos treitos obxecto das actuacións:
