Os bombeiros do parque Comarcal Provincial de Boiro foron alertadas esta mañá, ás 9:35 horas, dun accidente de tráfico que tivo lugar en Cespón, no concello de Boiro. Na incidencia hai dúas persoas feridas.
Os bombeiros do parque Comarcal Provincial de Boiro foron alertados ás 9:30 horas desta mañá dun accidente de tráfico con feridos na AC-305, no punto quilométrico 20, da parroquia de Cespón, no Concello de Boiro.
Á chegada procedeuse a realizar unha inspección perimetral do lugar, observando que se trata dunha saída de vía pola marxe dereita da estrada, quedando o vehículo nunha finca. O turismo impactou contra un muro dunha vivenda e tamén contra un poste de corrente eléctrica, aguantado polos cables de corrente eléctrica e con perigo de caer sobre a estrada e a beirarrúa. No accidente resultaron feridas leves dúas persoas.
Os bombeiros atenderon ás persoas feridas e procederon a desconexión da batería do vehículo.
Completaron o operativo a Policía Local de Boiro, a Garda Civil de Boiro, o 061, o SMPC de Boiro, e persoal da empresa CRC
