Os Scouts de Galicia (San Jorge 33) acamparán este ano no concello de Outes. Farano durante o mes de xullo no espazo recreativo do Albán e, por este motivo, reservan 5 prazas para os nenos e nenas de Outes que naceran entre o 2010 e o 2012. O prazo máximo de inscrición é o 5 de xullo. A rapazada participante terá ao seu dispor un amplo programa de actividades na natureza, xogos creativos e de exploración e actividades dirixidas a fomentar o respecto e o coidado polo medio natural. O Grupo Scout San Jorge 33 forma parte da agrupación de Scouts de Galicia e constitúe unha organización xuvenil sen ánimo de lucro que traballa realizando iniciativas de lecer e tempo libre saudábeis na natureza. “Mediante o xogo e acción, aprendemos e ensinamos valores para axudar a construír un mundo mellor”, sinalan. As inscricións para o campamento de Outes pódense facer a través dun documento en liña.
