O apeadeiro de buses de Ribeira ponse en funcionamento este 4 de xullo

02 Xullo 2024

O Goberno ribeirense informou que dende este xoves 4 de xullo o servizo de transporte público realizarase no apeadoiro de buses sito diante do Mercado Municipal. Nesa mesma xornada, persoal do Concello de Ribeira procederá a retirar as marquesiñas que hai situadas na praza Heroínas de Sálvora e habilitará as prazas de estacionamento para uso xeral.

Segundo detallou o alcalde, Luís Pérez Barral, os 24 estacionamentos habilitados serán gratuítos e por tempo de 90 minutos, co “obxectivo de que a veciñanza teña sitio para deixar o coche nun espazo facer as compras e aos recados”. Este espazo dará servizo ao Mercado Municipal, Correos así como aos comercios e servizos da zona.

Con respecto ao edificio da estación (parada central), dende o Goberno informan de que a brigada municipal segue traballando no seu interior para finalizar as obras na maior brevidade posíbel “co obxectivo de que a xente poida agardar polo autobús nun espazo cuberto”.

Até o momento os gastos totais nesa infraestrutura ascenden a 485.053€, sendo 381.218€ o custo da pérgola e 88.836€ no caso do edificio aos que habería que sumar outros 15.000€ para finalizalo.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.