O núcleo de Seráns (San Pedro de Muro, Porto do Son) celebra este venres 12 de xullo a súa Festa de San Benito, unha das romarías de maior relevancia da nosa contorna, que se celebra na Capela do mesmo nome recentemente acondicionada polo Concello.
O programa inclúe actividades para pequenos (con inchábeis e festa da da escuma a partir das 17.00 horas) e maiores. A vertente musical (a verbena nocturna) virá da man das agrupacións Orquesta Fuego, Planet Discomóvil e DJ Gee. Organiza a Comisión de Festas de San Pedro de Muro coa colaboración do Concello.
Previamente, na xornada deste xoves 11 de xullo realizarase a tradicional peregrinaxe dende Porto do Son a San Benito de Seráns. A saída está prevista dende o porto da vila sonense ás 8:30 horas. A participación é libre.
