Boiro acolle unha nova edición do DeporCampus entre o 15 e o 19 de xullo nas instalacións municipais de Valiño

14 Xullo 2024

O Concello de Boiro colabora coa Escola de Fútbol Municipal de Boiro na celebración do Depor Campus que organiza a Fundación Deportivo e se vai celebrar nas instalacións municipais de Valiño entre o 15 e o 19 de xullo.

Á presentación desta iniciativa de formación e dinamización deportiva, que tivo lugar no Consistorio e asistiron o concelleiro de Deportes, Marcos Fajardo; o directivo da EFM, Julio García; o coordinador da EFM, Carlos Ozores; e Alejandro Vidal e Sergio Maurente do Deportivo.

Segundo explicaron, a actividade está dirixida a rapaces e rapazas de 6 a 14 anos e vaise desenvolver en horario de 10.00 a 14.00 horas. “O Campus forma parte do convenio de colaboración que temos co RC Deportivo e que redunda no beneficio dos nosos rapaces e rapazas que pasan unha semana divertíndose a xogando ao fútbol”, afirmaron dende a EFM.

O obxectivo desta actividade é aprender e desenvolver a coordinación a través de xogos coordinativos; aprender habilidades e conceptos na relación co corpo e o balón; traballar fundamentos técnico-tácticos… á través de xogos e habilidade co balón, circuítos coordinativos, desafíos técnicos, partidos e competicións. “Boiro é unha das sedes máis antigas nas que se desenvolve este campus, que supón unha oportunidade para seguir medrando no eido deportivo”, recoñeceron dende o RC Deportivo.

O concelleiro de Deportes, Marcos Fajardo, animou aos rapaces e rapazas de Boiro e a comarca a que participen desta actividade que “desenvolve un equipo cunha gran traxectoria como é o Deportivo e que durante unha semana trae a súa experiencia para ensinar aos nosos rapaces e rapazas”. As inscricións están xa abertas e poden facerse a través da web deporcampus.rcdeportivo.es ata o 9 de xullo ás 14.00 horas. O prezo de inscrición é de 125 euros ou 105 para xogadores da EFM Boiro ou outros supostos.

Outros artigos

Publicidade

Revista en papel

Opinión

“As novas camadas petan forte na porta” – Antón Luaces

“As novas camadas petan forte na porta” – Antón Luaces

Hai quen exerce de informador e percorre España cunha buguina nunha man e un teléfono móbil na outra nunha especie de pre-aviso de que alí, no lugar, vai pasar algo importante. Por exemplo, un discurso ou debate político que "poña orde" na polarización desenfrenada...

“Recordar o 93 e seguir o Camiño”. Luís Celeiro

“Recordar o 93 e seguir o Camiño”. Luís Celeiro

En Mérida, onde a finais do século sexto xa había un xenodochium, un albergue de acollida easistencia para as multitudes que visitaban a tumba de Santa Olalla. Os historiadores e entendidosdin que foi o primeiro refuxio para peregrinos documentado en Hispania. E alí,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.