Os bombeiros do parque comarcal provincial de Boiro participaron pasadas as 00:00 horas de hoxe nun operativo causado por un accidente de tráfico na AG-11, á altura do punto quilométrico 17 ao seu paso polo Concello de Rianxo.
O accidente consistiu nunha saída de vía pola marxe dereita, que bateu coa bionda, e foi dando voltas sobre si mesmo ata acabar contra o talude xirado en dirección contraria á marcha. A persoa ocupante non se atopaba no lugar.
O operativo consistiu na sinalización e conservación das medidas de seguridade, e nel participou tamén a Garda Civil e os responsables do mantemento da estrada.
