O sábado 13 de Xullo terá lugar o XI Encontro de música e Baile tradicional na Pobra do Caramiñal no cal cal participarán diferentes agrupacións: banda de gaitas Coribantes de Pontecaldelas, o grupo de danças e cantares Serreleils de Viana do Castelo e a A.C Navalcan de Toledo.
Estos grupos veñen en réxime de intercambio, o día 25 de maio os grupos de gaitas, baile, canto e pandereiretas da A.C.D Xiada desprazouse a Pontecaldelas para participar na LVI festa da Troita.
O 22 de Xuño tivo lugar o XXXVII Festival de Folclore en Serreleils (Viana do Castelo- Portugal) e o último fin de semana de outubro a A.C.D Xiada pechará o último intercambio deste ano en Navalcán (Toledo) coa asociación Revolvedera.
O Encontro abriranno preto de 200 persoas cun pasarrúas dende o concello ás 20:30h e comenzará na Praza Alcalde Segundo Durán ás 21:00h.
O presentador desta Edición vai ser Antonio González Millán, director do museo Valle Inclán e conta coa colaboración da concellería de Cultura da Pobra.
O festival ó cal acuden centos de persoas está totalmente consolidado na vila, dende a entidade, esperamos superar o índice de afluencia do ano pasado.
O encontro, que terá lugar na Praza Alcalde Segundo Durán, contará cunha barra de refrixerios e comida a prezos populares para axudar a sufragar os gastos da Asociación. Invitamos a todo o mundo a que veñan a desfrutar dun sábado de folclore internacional na Pobra do Caramiñal.
