A ABE xa ten gañadora do primeiro sorteo realizado entre todas as persoas subscritoras do boletín de noticias da patronal boirense. Trátase de Sonia Fidalgo, que acadou o dito premio do sorteo entre as 300 adheridas á dita canle de comunicación. A recompensa son 50€ en Bonos ABE para gastar nas empresas asociadas. Os sorteos son bimensuais e o próximo será a principios de setembro.
A orixe
Coa finalidade de premiar a fidelización dos clientes dos establecementos asociados a ABE puxo en marcha, unha serie de sorteos bimensuais de 50€ entre todas as persoas subscritas ó seu boletín de novas da ABE.
O sorteo
Na mañá deste mércores 3 de xullo realizouse o primeiro sorteo entre as 300 persoas que xa están adheridas ó boletín dende que comezou esta iniciativa que entra dentro das novidades do noso sistema de fidelización que presentou a ABE no mes de abril.
As persoas adheridas ó boletín, ademais de recibir información de interese comercial sobre campañas e promocións, participan en sorteos exclusivos só para subscritores como este que mantén a ABE actualmente activo.
Para subscribirnos só temos que acceder á web www.abe.gal e no apartado “boletín novas” indicarmos o correo electrónico.
O calendario dos sorteos é o seguinte:
Meses de maio e xuño, sorteo 1ª semana de xullo.
Meses de xullo e agosto, sorteo 1ª semana de setembro.
Meses de setembro e outubro, sorteo 1ª semana de novembro.
Meses de novembro e decembro, sorteo 1ª semana de xaneiro.
