42 entidades labregas, agrarias e forestais da provincia e da comarca reciben o apoio da Deputación

15 Xullo 2024

A Deputación da Coruña dá apoio a entidades asociativas labregas, agrarias, gandeiras e forestais e da provincia cunha liña de axudas para actividades de 224.650 euros. Este programa permitirá financiar actividades como rozas de montes, que contribúen á prevención de incendios, e impulsar programas e accións que contribúan a impulsar a comercialización de produtos propios, tanto agrogandeiros como forestais.

Un total de 42 entidades da provincia recibirán as axudas, por importes que van dos 4.500 aos 6.300 euros, a través das que a Deputación da Coruña busca impulsar os proxectos de valorización e comercialización de produtos, previr incendios e mellorar o medio rural.

O Boletín Oficial da Provincia (BOP) vén de publicar a concesión definitiva das axudas, que financian numerosas accións entre as que as máis frecuentes con as destinadas a actuacións silvícolas, de roza prevención de incendios por parte de numerosas comunidades de montes, así como programas de rexeneración de especies autóctonas, accións para a mellora da calidade xenética do gando vacún ou implantación de novas tecnoloxías en explotacións agrogandeiras.

Estas axudas súmanse á liña de subvencións para investimentos aprobada o pasado mes de maio, na que 28 comunidades de montes de man común recibiron 118.000 euros para prevención de incendios, mellora de pistas rurais e repoboación forestal. 

A deputada responsable da área de Mar, Agro e Medio Rural, Cristina Capelán, sinalou que estas subvencións permitirán “apoiar aos sectores agrogandeiro e forestal, de grande importancia social e económica na provincia da Coruña ”.

Listaxe de entidades beneficiarias: https://bop.dicoruna.es/bopportal/publicado/2024/07/15/2024_0000005034.html

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.