Os bombeiros do parque Comarcal Provincial de Ribeira acudiron, ao redor das 10.00 horas desta mañá, á rúa Paz tras unha chamada que alertaba de dúas grandes manchas de gasoil na estrada. Tras chegar á zona advertiron que se trataba de dúas manchas de 15 metros de longo nas rúas Paz e Anxo Rei Ballesteros e que supoñían un risco para a circulación.
A Policía Local localizou ao vehículo causantes das manchas nunha gasoliñeira próxima, onde tamén deixou varios charcos de gasoil.
Durante case unha hora os bombeiros limparon as manchas con dispersante e baldearon as rúas afectadas.
