Trasladada en helicóptero unha muller que retiraron da auga tras verse en apuros nunha praia de Porto do Son

04 Xuño 2024

Alertados polo 112 as 15:05 por bañista en parada cardiorrespiratoria na praia de Suigrexas.

Protección Civil Porto do Son

Grazas aos primeiros auxilios recibidos por parte dos particulares que se atopaban no areal e á intervención dos profesionais sanitarios, que acudiron ao punto nada mais ser avisados polo 112 Galicia, a muller foi trasladada con vida na aeronave.

Ao fío das 15:00 horas, unha persoa particular contactaba co 112 Galicia para pedir axuda. Indicaba que acababan de quitar a unha muller da auga, na praia da Igrexa, en Porto do Son, e que lle estaban practicando os primeiros auxilios..

Foi nese intre cando os xestores do 112 puxeron os feitos en coñecemento do Servizo de Urxencias Sanitarias de Galicia-061, que derivaron o helicóptero medicalizado con base en Sanitario ao punto.

Ademais, foron informados do suceso o persoal de Salvamento Marítimo e do Servizo de Gardacostas de Galicia,  a Garda Civil, a Policía Local  e os efectivos da Agrupación de Voluntarios de Protección Civil de Porto do Son.

Así, tras socorrer á muller, os membros de Protección Civil confirmaron o traslado da bañista na aeronave ao centro hospitalario de referencia.

Protección Civil Porto do Son

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.