O vindeiro venres 14 de xuño, ás 20 horas, A Pobra do Caramiñal acollerá na sala de exposicións da Casa da Cultura Raquel Fernández Soler unha presentación literaria da man de Esperanza Mariño, quen presentará o seu poemario A pousa da libélula. Neste encontro a autora estará acompañada pola concelleira da Cultura, Patricia Lojo; o tradutor, Takekazu Asaka; e o integrante da A. C. Barbantia, Xesús Laíño, quen conducirá a xornada. Este poemario toma a libélula como símbolo do mundo natural e da vida humana e os seus avatares para abranguer temas como: a soidade, o amor ou a morte. A entrada é de balde até completar aforo.
