Trátase do único vehículo implicado no accidente, no que resultaron feridas 2 persoas. Unha delas quedou, ademais, atrapada no interior do coche, polo que necesitou a axuda dos bombeiros para saír do turismo e recibir a asistencia médica.
Segundo a información recollida no 112 Galicia, o sinistro produciuse ás seis desta tarde na Avenida de Agustín Romero, en Vilagarcía. Alí acudiron tanto os profesionais de Urxencias Sanitarias de Galicia-061 como os Bombeiros de Vilagarcía, pois os alertadores insistían en que había, polo menos, unha persoa atrapada.
Efectivamente, atopáronse un ocupante atrapado, que logo liberaron co obxectivo de que recibise a asistencia médica necesaria. No obstante, no coche había unha segunda persoa, sinalou Urxencias Sanitarias de Galicia-061, que tamén precisaba atención médica.
Este operativo completárono os axentes da Policía Local e os efectivos do Servizo Municipal de Emerxencias.
