“O sector pesqueiro español desconfía novamente das zonas de proteción mariña”. Antón Luaces

24 Xuño 2024

A figura da Área Mariña Protexida, aprobada en 2007, define espazos naturais designados para a proteción de ecosistemas, comunidades e elementos biolóxicos ou xeolóxicos do medio mariño que, en razón da súa rareza, fraxilidade, importancia e singularidade, merecen unha proteción especial. Estes espazos son de competencia estatal ou comunitaria, e aínda que creados coa intención de protexer os ecosistemas dos que o peixe forma parte indisoluble, significan para os pescadores unha seria ameaza da que, por certo, non se fala desde vai uns meses, algo que chama poderosamente a atención.

Complementando este chamado, segundo datos da Comisión Europea, o 40% das poboacións de peixes no Atlántico e o 87% no Mediterráneo estan sobreexplotadas ou explotadas en exceso.

Baseada nesta situación, a UE aprobou o Tratado dos Océanos, acordo internacional que fixa medidas novas para a proteción dos océanos e a conservación da biodiversidade mariñas.

Son, xa, uns 150 os Estados que asinaron este Tratado cuxo obxectivo non é outro que garantir a sostibilidade da pesca e a conservación da biodiversidade nos océanos do mundo.

Este acordo establece a creación de zonas de proteción mariña nas que a pesca e outras actividades humanas que poidan causar danos  ao ecosistema estean controladas.

Este Tratado pode ter consecuencias directas para máis de 140.000 pescadores comunitarios que confían en que, mediante o acordo, acaden axudas á proteción dos océanos e á conservación da biodiversidade mariña. Establece este acordo a creación de zonas de proteción mariña nas que se prohibirá a pesca  e outras actividades mariñas que poidan danar o ecosistema, desbotando a ligazón a este dos propios pescadores. Para estes, o Tratado dos Océanos debe axudar a protexer as poboacións de peixe e garantir a sostibilidade da pesca no futuro, porque “a pesca sostible é fundamental para a supervivencia dos ecosistemas mariños e para o sustento de millóns de persoas de todo o mundo que dependen da pesca para a súa alimentación”. 

Semella contradictorio: as medidas conservacionistas aplícanse. Evidentemente, no senso de reducir a pesca, e se esta vai a menos, tamén se reduce a capacidade de a subministrar como alimento.

O Tratado dos Océanos pode ter, polo tanto, un impacto negativo -un máis- na industria pesqueira a curto prazo: a creación de zonas de proteción mariña pode limitar o acceso dos pescadores ás áreas de pesca, o que afectaría negativamente aos seus medios de vida.

A proteción dos ocèanos é, realmente, incompatible coa pesca?, non poden coexistir?.

Outros artigos

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...

+

“Homenaxe ao doutor Sixto Seco” – Xosé González Martínez

Cando o correlixionario e amigo Luís Soto Fernández, fundador da UPG, puido volver do exilio mexicano, facíao todos os anos pola primavera. Acudía sempre a recollelo ao aeroporto. Camiño da súa natal Vilanova dos Infantes, faciamos unha parada na igrexa conventual de...

+

Publicidade

Revista en papel

Opinión

“Solidariedade e humanidade” – José Manuel Pena

“Solidariedade e humanidade” – José Manuel Pena

Algunha xente continúa cunhas mentalidades moi pechadas e pouco empáticas cos problemas e as vivencias doutras persoas que padecen situacións difíciles ou complicadas. Algo similar sucede cos menores migrantes, non acompañados que chegaron ao noso país, en busca de...

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...