O Real de Portosín e o Deportivo de Ribeira, unidos na 24ª edición da Regata Ramiro Carregal Rey

13 Xuño 2024

Juan Caballero.- O salón nobre do Real Club Náutico Portosín acolleu este xoves 13 de xuño a presentación da 24 edición da Regata Ramiro Carregal Rey, emblemática proba que organiza a dita entidade deportiva en colaboración co Club Náutico e Deportivo de Ribeira.

A XXIV Regata Ramiro Carregal Rey disputarase os días 22 e 23 de xuño, cun percorrido costeiro e unha proba ao vento: a primeira delas o sábado, que levará á frota desde a ría de Muros e Noia ata a de Arousa, nun trazado de gran beleza paisaxística, con Corrubedo e o paso de Sagres próximo a Sálvora, Vionta e Noro, que fan do seu rumbo un dos máis belos das Rías Baixas. E o segundo, na xornada dominical, un barlovento–sotavento, nun trazado moito máis técnico que obrigará ás tripulacións para empregarse a fondo para optimizar os mellores resultados ao ser unha manga onde os pasos por boia son decisivos.

O acto de presentación foi presidido polo empresario ribeirense que dá nome á regata, Ramiro Carregal Rey. Asistiron ao mesmo representantes da xunta directiva do Real Club Náutico Portosín, entre os que se atopaban, a súa vicepresidenta, Pepa Castro; o comodoro e vicecomodoro, Fernando González e José García, respectivamente; o presidente da Real Federación Galega de Vela, Manuel Villaverde; o presidente do Club Náutico Deportivo de Ribeira, José Luís Torres Colomer; o patrón maior da Confraría de Pescadores de Portosín, Isaac Gaciño; así como os concelleiros de Porto do Son de Deportes e Turismo, Carlos Lorenzo e Alicia Martínez, respectivamente; e o tesoureiro de Náutico de Ribeira, Justo Arevalillo.

“Ramiro, quero transmitirche o maior dos meus agradecementos e o de toda a xunta directiva deste Club de Portosín, por todo o ben que ao deporte da vela lle fixeches”, manifestaba Castro.

“O apoio de Ramiro consolidou esta regata ao longo destes anos, logrando ser unha das máis destacadas no calendario de vela pesada da Real Federación Galega de Vela”, comentaba González.

“Cando chego aquí atópome na casa. Ribeira e Portosín están irmandados e nesta ocasión fano con esta regata que é dun percorrido moi atractivo dobrando o cabo de Corrubedo”, apuntaba Colomer.

“Síntome moi orgulloso da unión destes dous clubs náuticos que unen a comarca do Barbanza e en que ambos naveguen unidos por unha regata que simboliza esa unión”, dicía Carregal.

E é que na Ramiro Carregal Rey non só pon en xogo o Gran Trofeo Faro de Corrubedo, senón tamén a Copa de Galicia de Cruceiros, sendo este ano, ademais, e por designación da Real Federación Galega de Vela, Campionato Galego de Cruceiros ORC.

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...