Jorge Gallardo, director teatral noiés, vai presentar o seu proxecto audiovisual Sonetos do Sótano este sábado 8 de xuño no Coliseo Noela, a partir das 20.30 horas. O propio director acompañado de Pepe Pérez, concelleiro de Cultura, presentaron esta semana os detalles do espectáculo, un proxecto que xunta arte, poesía e música nunha proposta de confluencia artística única.
As entradas están dispoñíbeis na Oficina de Turismo, emprazada no Edificio Casino, a partir deste mércores (mércores, xoves, venres e sábado) en horario de 12.00 a 14.00 horas.
O espectáculo será presentado por Antía Costa. Contarase coa presenza de María Insua, Xosé Esperante, Manuel López Rodríguez, Fran Figueiral, Sergio Alfonso e Yamini, coa colaboración do Grupo Ebora.
A estrea complementa o obradoiro de teatro desenvolvido en Noia por Jorge Gallardo, que culminou este sábado 1 de xuño coa representación no Noela de diferentes pezas teatrais, a cargo dos grupos infantil e adulto que participaron na experiencia.
