A Real Federación Galega de Fútbol, sección de Fútbol Sala, e o Concello de Noia organizan esta fin de semana, o sábado 15 e o domingo 16 de xuño, os Campionatos de España de Clubs de Fútbol Sala na categoría de Sub-14 masculina (fase final).
En virtude destes eventos deportivos, o campión de España de fútbol sala na categoría infantil decidirase esta fin de semana na vila de Noia.
O Pavillón Municipal Agustín Mourís será o escenario da final four. Bateranse Ciudad de Móstoles, F.C. Barcelona, Equipe Futsal (Zaragoza) e o representante galego Galicia Gaiteira.
O sábado á tarde celebraranse as semifinais e o domingo, en horario matinal, a gran final.
O Concello de Noia agradeceu á Federación Galega de Fútbol a confianza mostrada na vila noiesa para a organización deste importante evento. O alcalde Santiago Freire desexou “moita sorte” ao 4 clubs participantes.
