Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no Auditorio vello (actualmente sede dos actos oficiais do Concello) do novo bastón de mando do Concello de Ribeira, que lle foi entregado ao rexedor, Luís Pérez Barral, de mans do tenente de alcalde, Vicente Mariño.
A cerimonia foi motivo de sorpresa para o alcalde, xa que non lle figuraba nos actos previstos da xunta de coordinación. A iniciativa, de feito, foi argallada polo equipo de Goberno a iniciativa de Vicente Mariño que capitaneou o proceso coa máis precisa discreción.
O bastón está feito con madeira nobres xunto co seu estoxo, tamén posúe o escudo institucional de Ribeira no mesmo mango do bastón. Desta maneira e por iniciativa do equipo de Goberno, péchase a historia do bastón que agora pertence á propia institución.
