O Concello de Boiro desenvolve nesta tempada estival a XXXI edición dos Verán Deportivos, que inclúe actividades a desenvolver entre o 24 de xuño e o 30 de agosto. O concelleiro de deportes, Marcos Fajardo, e o técnico do departamento, Manuel González, presentaron este 13 de xuño o programa de actividades deste ano.
Segundo fixeron saber, igual que en pasadas ocasións os Veráns Deportivos aglutinan propostas de actividades deportivas para rapaces e rapazas coa colaboración dos clubs deportivos do municipio. Entre as accións programadas atópase remo, piragüismo, volei praia, baloncesto, atletismo, tenis, taekwondo, vela… así como actividades para mozos e adultos e ximnasia para xubilados.
“Os Veráns Deportivos contan con actividades máis orientadas á época estival con propostas relacionadas co mar e ao aire libre”, afirmou o técnico de deportes.
Ademais das actividades que se desenvolven durante todo o verán, haberá competicións propias que se organizan os clubs deportivos xunto co servizo municipal de deportes como o Campus Rufino Regueira de natación e triatlón, o Campus de baloncesto co Obradoiro CAB, o Depor Campus…
“Gracias as Escolas Deportivas Municipais e Veráns Deportivos do Concello de Boiro, os rapaces e rapazas de Boiro poden practicar durante todo o ano o deporte que máis lles guste así como probar novas actividades”, recoñeceu o concelleiro de Deportes, Marcos Fajardo.
O prazo de inscrición das actividades abre o vindeiro 17 de xuño. Toda a información está dispoñíbel na web municipal, no departamento de deportes situado na Casa da Cultura de Boiro, no enderezo electrónico deportes@boiro.org ou o teléfono 981 84 84 25.
