O vindeiro martes 2 de xullo Rianxo vai reivindicar a súa importante veta jazzística, manifestada cada verán co festival Noites de Jazz, que se celebra o próximo mes de agosto. Desta volta trátase dunha jam sessión en formato aberto a cargo do Combo de Jazz do alumnado da Escola de Música de Rianxo. A cita enmárcase, a xeito de adianto, na programación do festival Noites de Jazz. Contarase coa presenza do mestre Bernal Muíños, músico e profesor rianxeiro amais de integrante do cuarteto TbA.
O concerto celebrarase no Café A Lareira, o martes 2, a partir das 20.00 horas.
Quen precise máis información sobre esta actividade tena no Facebook da Escola de Música de Rianxo.
