O Restaurante do Club Náutico de Portosín (Mirador do Náutico) vai acoller o vindeiro 29 de xuño, ás 22.00 horas, unha iniciativa de recadación de apoios para a loita contra o cancro: a Cea Solidaria de Porto do Son a prol da Asociación Española Contra o Cancro (AECC Porto do Son).
Quen queira botar unha man e acudir á gala solidaria pode acudir xa aos puntos de venda habilitados: Xoaniña, Floristería Marita e Tres Sesenta. Segundo confirmou a organización, a cea tamén virá con música e sorpresas. O prezo é de 35 euros. Colabora o Concello de Porto do Son.
